გაზაფხულის ბოლო დღე

მიუხედავად იმისა, რომ მე და მარი ვერაფრით ვერ შევთანხმდით ჯერ ფერზე, ხოლო შემდეგ – ამ ფერების ერთად შერჩევის დროსა და ადგილზე; მიუხედავად იმისა, რომ საბოლოოდ, ლოდინით დაღლილმა ფერებად კლასიკური შავ-თეთრი ავირჩიე და “პროფოტოში” სამი იდენტური ფაილი შავის სამ სხვადასხვა ვარიაციაში ამომიბეჭდეს; მიუხედავად იმისა, რომ “ფოტოსამყაროში” დაბრუნებულმა, ფერები შემისწორეს, ხოლო ამჯერად ზომებს აურიეს და საბოლოო ჯამში, მომიწია შეგუება იმასთან, რაც ხელთ მქონდა; მიუხედავად იმისა, რომ დღეს აგარაკიდან ჩამოსულს, ორმხრივი სკოჩი გადაგდებული დამხვდა და საჩქაროდ, “გუდვილის” დახურვამდე 30 წუთით ადრე მომიწია მისი ყიდვა… ყველაფერი ამის მიუხედავად, ამ კვირაში და შესაბამისად, ზაფხულის ოფიციალურ დადგომამდე, ჩემი “ისრების პროექტი” დასრულებულად გამოვაცხადე და ოთახის ერთ-ერთ კედელი ვექტორული გრაფიკის სამი ნიმუშით დავამშვენე:)

დიდი მადლობა ყველას, ვინც მიიღო მონაწილეობა:)

P.S. ახლა მთავარია, ეს ყველაფერი თავზე არ დამეცეს, რადგან ორმხრივი სკოჩი რაღაცას აპროტესტებს:)

გასტრონომიული ორგაზმი

ეს ის შეგრძნებაა, რომელსაც კიდევ მინიმუმ 3 კვირა ვერ განვიცდი; თუმცა ჩემდა გასაკვირად, საკმაოდ კარგად ვუმკლავდები:) ვერასოდეს წარმოვიდგენდი, რომ ბოსტეულის სუპი მარილის გარეშე შემიცვლიდა მარწყვის ტორტს, შაურმას, მაკდონალდსის პროდუქციას და ყველაფერ დანარჩენ იმას, რასთანაც ამ დღეებში შეხება მქონდა, თუმცა გადამეტებული ნებისყოფისა თუ პასუხისმგებლობის თვისებებმა მათზე უარი მათქმევინა…

როგორც არ უნდა იყოს, რამდენიმე საათში ისევ აგარაკზე მივდივარ და კვირამდე ისევ მოვწყდები აქაურობას:)

სამი გრაცია – თეოკრატია

Теократия (от греч. θεος — Бог и κρατειν — управлять) — система правления, при которой важные общественные дела решаются по божественным указаниям, откровениям или законам. Согласно другому определению — политическая система, при которой религиозные деятели имеют решающее влияние на политику государства.

ტროას ომამდე, პარისს შეთავაზეს, რომ სამი ქალღმერთიდან აერჩია, რომელი იყო ყველაზე ლამაზი და ამ რჩეული ქალისთვის, ტროას ომის ამ გმირს – ულამაზესი ელენეს მომტაცებელს – ხილის ერთგვარი სახეობა უნდა გადაეცა, რომელიც შთამომავლების მიერ, უთანხმოების ოქროს ვაშლად განისაზღვრა…

პარისმა, საბოლოოდ, თავის რჩეულად აფროდიტე აქცია, რამაც დანარჩენი ორის გულისწყრომა გამოიწვია და ტროას ომის დროს, ამ სამხედრო ოპერაციისადმი დანარჩენი ორი ქალბატონის დამოკიდებულებაც შესაბამისად განსაზღვრა.

ვინ ვინაა ამ სამი ქალბატონიდან დღეს, გა-მო-ი-ცა-ნით…

ვისენტე ხუან მასიპი - პარისის სამსჯავრო

 

Рефлексия

Рефлексия – это осознание 6-ти частей своей личности:

Я «сам собой» + Я «на людях» + «Крутой» Я + Я «сам собой» в восприятии другого + Я «на людях» в голове другого + Я «крутой» в воприятии другого.

- ეს ერთ-ერთ იმ ტერმინთაგანია, რომელიც ჩემი სამდღიანი ქალაქში არყოფნის მანძილზე ჩემს მიერ საგულდაგულოდ მომზადებული “საზოგადოებათმცოდნეობის” სახელმძღვანელოდან ავითვისე. თუმცა 213 გვერდის მაგივრად, მხოლოდ 40 გვერდის დაძლევა შევძელი, მაგრამ ყველაფერი წინაა, რადგან შევთანხმდით, რომ ვოიაჟი შემდეგ კვირაშიც იგივე ფორმატში ჩაივლის.

ურბანული კრიზისები და მათგან თავის დაღწევის ხერხები

პოსტის სათაურიდან გამომდინარე, თითქოს, წესით, რაღაც სახელმძღვანელო უნდა დამეწერა მათთვის, ვისაც ქალაქური ცხოვრებისგან გადაღლილს თუ ურბანული თავისებურებებებით განგაღიზიანებულს, ამ კრისიზისიდან გამოსვლის გზების პოვნაში და ყველაფრის დროებით დავიწყებაში დავეხმარებოდი. თუმცა, ყოველდღიური ყელშიამოსული თბილისური ყოფისგან დასვენებას ამჯერად თავად ვაპირებ, რაშიც ჩემი მფარველი ანგელოზი – ლოლა, როგორც ყოველთვის, დროულად დამეხმარა ინიციატივით.

დიახ, კვირას საღამომდე მივდივართ აგარაკზე…

…არანაირი ინტერნეტი, არანაირი ტელევიზორი, არანაირი ტელეფონი… მხოლოდ ბუნება, ყვავილები, ბალახები, ძროხის ნაკელი, ღორების სუნი, მამლების ყივილი და ყოველთვის უდროო კბილის ტკივილი, თანაც, როცა არანაირი წამალი გარშემო არ მოგეპოვება. თუმცა, ამაშიც არის თავისებური ეგზოტიკა…

კომპიუტერიდან მომწყდარი კი, საკუთარი თავის განათლებას და წინასწარ გამზადებული საზოგადოებათმცოდნეობის 213-გვერდიანი სახელმძღვანელოს წაკითხვას ვაპირებ… და კიდევ, ბევრი ჰოლანდიური ყველის ჭამას:))

Just 3

საშინელებაა აფთიაქში ერთდროულად დონორმილის, პრეზერვატივის და ბისაკოდილის ყიდვა. წადი და უხსენი, როგორ კავშირშია ერთმანეთთან…

ქათამი ტკბილ-მჟავე სოუსში და ბრინჯი კვერცხით

რამეთუ მშიოდა და მეცით მე ჭამადი; მწყუროდა და მასუთ მე; უცხო ვიყავ და შემიწყნარეთ მე; შიშუელ ვიყავ და შემმოსეთ მე; სნეულ ვიყავ და მომხდეთ მე; საპყრობილესა ვიყავ და მოხუედით ჩემდა.

(მათ. 25:35-36)

ტკბილი და მშვიდი ძილისთვის ვიტალურად აუცილებელი დამხმარე საშუალებებმოკლებულს, როგორც ყოველთვის ასეთ პერიოდებში, სადღაც დილის 3-4 საათისთვის შიმშილის ნაცნობმა შეგრძნებამ მომაკითხა და ძალაუნებურად facebook-იდან, одноклассник(и)-ებიდან და სხვა მეტ-ნაკლებაც ნაცნობ, უცნობ, მისაღებ თუ მიუღებელ სოციალური ქსელების მიგდების შემდეგ, თავი google-ში სხვადასხვა საჭმელად გამოსადეგი ქიმ-ფიზიკური ნაერთის რეცეპტების თვალიერებაზე დავიჭირე.

ამჯერად, ჩემი კულინარიული დებიუტის გაგრძელება რამდენიმე დღის წინ ლოლასთან და ნათიასთან ერთად,თბილისის ერთ-ერთ ჩინურ რესტორანში დაგემოვნებული ორი არც თუ ისე რთული და საკმაოდ გემრიელი კერძის საკუთარ სახლში მომზადების გადავწყვიტე. თუმცა, მას შემდეგ, რაც არათუ ამ კერძისთვის განკუთვნილი ინგრედიენტების, არამედ საერთოდ არანაირი საკვები მასის ჩემს სახლში პოვნა/შოვნა/მოპოვობა/აფხეკა/აძრობა ვერ მოვახერხე, კულინარიული ექსპერიმენტები დილისკენ გადავდე და იდეა ფიქსით ტვინდატვირთულმა, გათენებამდე ჯოკრის თამაში დავიწყე.

Amazing Natural Phenomena

Originally Published in ‘Georgian Journal’. Issue No.17 (102)
Original Link: http://www.kvirispalitra.ge/gj-site/2009/17-2009/stardust.html

Sometimes, when we try to understand nature by carefully observing all of its occurrences, we may come across various phenomena both high above in the sky and right here on the ground or in water, right in front of our eyes. While some of these occurrences can be incredibly colorful and come in various unusual and interesting geometrical shapes, others can be quite extraordinary and even, entirely impossible to understand. We perceive these phenomena as rainbows, mirages or halos but the Earth has much more fascinating natural phenomena to offer us and some of these are the ones we are about to discuss in this article…

Undoubtedly one of the most beautiful events to occur in our world, the Northern Lights, also known as the Aurora Australis in the southern hemisphere, have always fascinated people and on the occasions that citizens of our planet have observed them, the sight has always filled them with awe. As the name suggests, these ethereal lights especially related to the Polar Regions. They occur most frequently in a belt of radius 2500 km centered on the magnetic north pole. This so-called auroral zone extends over northern Scandinavia, Island, the southern tip of Greenland and continuing over northern Canada, Alaska and along the northern coast of Siberia. In Norway, for instance, the Northern Lights can be seen every other clear night, if not even more frequently, while from southern Scandinavia, sightings would be only a few times a month and in central Europe hardly more than a few times a year. Moreover, there is also a documented fact that this phenomenon has even been seen from the Mediterranean but only a few times each century.

So Bad

გული მერევა… ბევრ ვინრამეზე… ყელში ამომივიდა ამ ქვეყნის გიორგობამოვლენები… მისი მერყევი, ბუნდოვანი, ჩამოუყალიბებელი პოლიტსიმპათიები… მუდამ უკმაყოფილო ხალხის მასები… ფოჩიანი კანფეტებზე სახელმწიფოებრიობის გამცვლელი ცალკეული ინდივიდები… არაქარიზმატული, არასიმპათიური ამბიციური ოპოზიციონერები… დაუნდობელი, უკომპრომისო, ჯიუტი მთავრობა და ყველაფერი ის, რაც წესით არ უნდა მეხებოდეს, მაგრამ მეხება…

ტელევიზორს არ ვუყურებ, უბრალოდ, ამჯერად თითქმის ფანჯარასთან მომადგნენ…

ყველანი ამაზრზენნი ხართ! თუმცა, წესით, საერთოდ არ უნდა ვიცოდე თქვენი არსებობის შესახებ.

ან რავი

…დაახლოებით ორ წელიწადზე მეტი დამჭირდა იმისთვის, რომ კომპიუტერის მონიტორის წინ მჯდარმა, ხელში კლავიატურამომარჯვებულმა უარი მეთქვა აქამდე ასე ახლობელ ავტოკალამსა და ფურცელზე და ჩემი სხეულის უკიდურეს ზედა ნაწილში დაგროვებული სიტყვათა კონები ციფრული გზით უკვდავმეყო. თუმცა, ეს პროცესი, როგორც უკვე ვთქვი თუ დავწერე, საკმაოდ გაჭანურდა და ბევრ დისკომფორტისმომტან შეგრძნებასთან იყო დაკავშირებული (სხვებს – უფრო მარტივად გამოუვიდათ).

როგორც არ უნდა იყოს, ახლაც, როცა ამ პოსტს ვწერს, ჩემს საყვარელ მაკბუკუნას ვარ მიჯაჭვული, მიუხედავად იმისა, რომ გამომთვლელ მანქანისად ოდესღაცწოდებულ მექანიზმთან განკუთვნილი დროის უმეტესობას, ანუ რა დასამალია – მთელს დღეს, ჩემს მიერ ახლადაწყობილ დესკტოპთან ვატარებ. ეს ყველაფერი კი იმიტომ ვახსენე, რომ როგორც კალამიდან კომპიუტერზე გადაბარგება, ისე ლეპტოპის შემდეგ დესკტოპზე ხშირ-ხშირად ტექსტების კრეფა, არანაკლებ არაკომფორტული აღმოჩნდა ჩემთვის.